Cambio maneho pa permiso di negoshi pa elimina red-tape

Minister Wever ta contento cu  introduccion di un vestigingsbeleid completamente modernisa, simplifica y digitalisa, caminda a reduci e tempo di espera pa un permiso. 

Pa hopi aña comerciantenan, entrepreneurs y start-ups tabata encontra contratiempos den e proceso di haya permiso pa habri un negoshi. Pa hopi aña profesionalnan local y internacional a vocifera cu e condicionnan burocratico pa habri un negoshi ta stroba progreso economico di Aruba. Gobierno a  a revisa tur e rapportnan traha pa profesionalnan y a pidi sugerenia di tur stakeholder pa elimina “red-tape”.

E meta di e modernisacion di e maneho pa permiso di negoshi ta pa:

• Elimina “red-tape”;
• stimula mas negoshi pa habri na Aruba y asina crece Aruba su economía;
• crea inversión,cuponan di trabou nobo y spin-off economico;
• aumento di entrada pa caha di gobierno.

E maneho pa permiso di negoshi lo drenta na vigor entrante 1 october 2022. E cambionan principal den e vestigingsbeleid 2022 ta:

• Reduccion di “red-tape”;
• digitalisacion completo;
• ampliacion di categoria di persona cu no mester pidi un permiso mas;
• stimula inversion den centro di Oranjestad y San Nicolas;
• stimula diversificacion di Aruba su economia atraves di e “six promising sectors”;
• duna companianan chikito posibilidad pa establece den nan cas (zona residencial);
• introduci pa prome biaha principionan di sostenibilidad den e maneho.

Minister Geoffrey Wever: “Mi ta spera cu e tipo di cambionan structural na maneho di permiso ta duna comercio animo pa sigui inverti, traha y haci negoshi. Economia di Aruba mester di mente creativo y e espirito empresarial di nos hendenan!”

Pa mas informacion por consulta e foyeto adhunto (na Hulandes):

• Brochure beleidsrichtlijnen vestiging bedrijven ingaande 1 oktober 2022