Cada mucha ta nace cu derecho, sin importa su circunstancia!

Un bon salud y bienestar no ta solamente un necesidad pero un derecho esencial pa tur mucha/hoben na Aruba segun articulo 24.

Cada mucha tin derecho riba cuminda y riba un bon cuido di salud, locual Jeugdgezondheidszorg (JGZ) tambe ta reenforsa den su vision. Aruba ta forma parti di e Convenio di derecho di mucha desde 2001, cu e meta pa salvaguardia e salud y desaroyo completo di cada mucha/hoben na Aruba pa asina nan tur  por tin un bida saludabel.

JGZ como parti di Directie Volksgezondheid (DVG) ta enfoca riba un desaroyo y salud holistico (emocional, mental, fisico, social y esencia di bida) di cada mucha/hoben desde nacemento te adolescencia. JGZ ta boga pa cada mucha y hoben desde nacemento ta ”The Right holders of Aruba!” Pronto JGZ lo publica nan relato anual (2021-juli 2023) riba website www.dvg.aw, caminda por lesa e resultadonan di estado di salud y bienestar di e muchanan/hobennan.

Pa mas informacion like e Facebook page Directie Volksgezondheid DVG Aruba, follow DVG riba Instagram directie_volksgezondheid_aruba, bishita www.dvg.aw, yama na 5224200 of manda email na servicio@dvg.aw.