Buki ‘Danki na Dje’ pa muchanan di scol basico

Dit item is gearchiveerd op 24-02-2020.

ORANJESTAD - Den cuadro di celebracion di e fecha natalicio di Libertador Gilberto François Betico Croes, Ministerio di Asuntonan General, Ministerio di Cultura hunto cu Comision ‘Ken ta Betico’ a traha un buki ‘Danki na Dje’.

Buki pa muchanan di scol basico

Studiantenan di Scol Washington a haya copianan di e buki Danki na Dje tocante Betico Croes di e Minister di Finansa, Asunto Economico y Cultura, mr. Xomara Ruiz-Maduro.Meta di e buki ta pa conscientisa nos hobennan riba e historia di nos Pais pa asina nan por compronde nos presente y pa nan haya aliento pa fiha nan propio futuro.

Studiantenan di St. Anna School a haya copianan di e buki Danki na Dje tocante Betico Croes di e Minister di Finansa, Asunto Economico y Cultura, mr. Xomara Ruiz-Maduro.Minister di Finansa, Asunto Economico y Cultura, mr. Xomara Ruiz-Maduro, a enfatisa cu ta masha importante pa nos muchanan y nos hobennan conoce tur locual Betico Croes a haci cu awe nos tin Pais Aruba. E buki ‘ Danki na Dje’ aki lo wordo reparti na scolnan basico di Aruba. E maestronan di klas 1,2 y 3 lo haya e bunita buki ‘Danki na Dje’ pa asina nan por brinda e informacion na e muchanan. E hobennan di klas 4, 5 y 6 lo ricibi un buki pa asina nan por hiba cas y nan mes por lesa e informacion.

Studiantenan di St. Paulus Basisschool a haya copianan di e buki Danki na Dje tocante Betico Croes di e Minister di Finansa, Asunto Economico y Cultura, mr. Xomara Ruiz-Maduro.‘Danki na Dje’

E buki ‘Danki na Dje’ ta conta Ken ta Betico Croes, su carera profesional, su trayectoria politico y tambe e union cu ela sa di crea den e pueblo Arubano.  E ta contene informacion tocante di e grupo grandi di persona cu a bini hunto den un movecion, cu a uni nos pueblo. ‘Danki na Dje’ tambe ta contene dichonan popular di Betico Croes y tambe otro informacion importante di locual Betico Croes a logra pa Aruba.

Gradicimento

Minister di Cultura a gradici Comision Celebracion Dianan Nacional, Comision ‘Ken ta Betico’, Sr. Manolo Giel, Ministerio di Asuntonan General y Ministerio di Cultura pa nan cooperacion pa por a produci e bunita buki ‘Danki na Dje’.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options