HomeActualidadNoticiaBruela conoci como Monkeypox declara como malesa contagioso categoría A

Bruela conoci como Monkeypox declara como malesa contagioso categoría A

Dit item is gearchiveerd op 25-06-2022.

ORANJESTAD – Manera por a tuma nota den medionan di prensa recientemente den diferente pais a constata casonan di personanan cu symptomanan di un enfermedad parecido na un sorto di bruela. Na Hulandes e enfermedad aki a wordo yama “apenpokken” (na ingles “monkeypox”). Diferente pais a raporta tambe un aumento den contagio di e casonan di apenpokken.

Mientrastanto a constata e prome casonan na Hulanda. E “Rijksinstituut voor Volksgezondheid en Milieu” na Hulanda a  conseha e  minister encarga cu Salubridad na Aruba pa declara e enfermedad di apenpokken como un malesa contagioso cu ta cay den e categoria-A di e Landsverordening infectieziekten (AB 2019 no. 27).

Poco ta e informacion cientifico relaciona cu e apenpokken. No ta conoci e rapidez di e contagio, ni con e ta afecta e individuo. P’esey e ta hopi importante pa haya sa trempan, isola tur caso sospechoso, establece reglanan pa monitoria e desaroyo y quarantaine pa contene e nível di contagio. 

Basa riba esaki nos ta informa cu un bes cu esaki bay publica den nos Afkondigingsblad como A-ziekte den e Landsverordening e ta bira oficial cu apenpokken ta un malesa contagioso.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options