Bronnen Contact Onderzoekteam di DVG ta pidi comunidad pa yena datos corecto den e Aruba Health App

Dit item is gearchiveerd op 24-09-2021.

ORANJESTAD - Frecuentemente e team di bronnen contact onderzoek (BCO) cu ta encarga pa yama esnan cu test positivo pa COVID-19 y su contactonan directo ta confronta datonan cu a yena robez den e Aruba Health App.

Aruba Health AppEsaki ta haci comunicacion entre e team y e pashent imposibel.

Na momento cu un persona bay haci un test di COVID-19, e persona mester yena y controla mesora tur su datonan den e Health App pa asina sigura cu esakinan ta corecto; specialmente number di telefon y email. BCO team ta haci un suplica na momento cu bo sali positivo pa COVID-19, isola bo mes y keda pendiente e dia siguiente pa ora bo wordo jama pa asina por tin contacto cu bo persona mesora. BCO team ta confronta hopi persona cu no ta atende yamada y tambe number yena robes den Aruba Health App. E team di BCO ta yama un maximo di 3 biaha pa trata di localisa bo persona specialmente mirando e cantidad grandi di personanan cu tin riba lista pa yama tur dia.

Na momento cu bo persona ricibi por medio di mail bo resultado positivo di COVID-19, sigui tur instruccion cu tin riba e email, esta keda den isolacion te ora cu un persona di DVG tuma contacto cu bo e dia siguiente.

Den caso cu tin cualkier cambio despues cu bo sali positivo manda un email mesora pa dbz@dvg.aw pa avisa, alcontrario lo ta hopi dificil pa e BCO team tuma contacto cubo pa duna instruccion durante isolacion of tambe na momento di declara bo persona recupera di COVID.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options