Bishita di trabou Gobernador na e COVID-19 Testcenter na Aeropuerto Internacional Reina Beatrix

Olga Rodriguez (Cluster Manager Asistencia Medico y Policlinica, HOH) y Jurgen Benschop (Director di Operacion, AAA) a ricibi Gobernador Boekhoudt.
Meta di e bishita tabata pa Gobernador haya un impresion di e actividadnan na e testcenter di e aeropuerto y di e cooperacion entre Aruba Airport Authority (AAA), Departamento di Salud Publico (DVG) y dr. Horacio Oduber Hospital (HOH). Den e cuadro aki, Jurgen Benschop, Michael van de Poel (Hefe di Team DVG) y Shahaira Geerman (Gerente di Cuido, HOH) a duna un presentacion tocante e trabounan diario na e testcenter di aeropuerto y e colaboracion entre e tres instancianan. Despues di un recorido den aeropuerto, Gobernador a tira un bista na e testcenter den e sala di yegada. Seguidamente Gobernador Boekhoudt a papia den VIP room cu Joost Meijs (Director AAA), Jacob Vroegop (Presidente Hunta di Directiva HOH), Edwin Kelly (Director di Departamento di Aviacion Civil) y Jerry Staring (Director DVG).