E fundacion aki ta un non-governmental organization, estableci na Trinidad and Tobago. Nan ta traha pa construi y sostene servicio laboratorio di e calidadnan di mas halto atraves di un mecanismo independiente auto suficiente.
Den e reunion aki Caribbean Medlabs a informa e mandatario riba e resultado di e 2 dianan di bishita cu a tuma lugar aki na Aruba, caminda nan a bishita diferente laboratorio.
E colaboracion entre Gobierno y The Caribbean Med Labs a inicia na aña 2019. Den esaki nan ta comprometi pa asisti Aruba den yuda sigura y standarisa un bon calidad di testnan cu ta wordo ehecuta door di e laboratorionan na Aruba.The Caribbean Med Labs a duna elogio na e calidad di e testnan cu ta ser brinda actualmente dor di e diferente laboratorio.E parti cu mas nan a elogia ta e acreditacion internacional cu ya caba varios laboratorionan na Aruba tin.
Otro tema importante cu The Caribbean Med Labs a trece padilanti ta e rol importante di un laboratorio, no solamente pa loke ta trata salubridad publico den aspecto local pero tambe turistico.
Gobierno di Aruba lo sigui coopera cu Caribbean Medlab pa asisti den e desaroyo di nos calidad di laboratorio aki na Aruba y garantisa cu tur test cu wordo haci ta confiabel pa laboratorionan cu ta acredita, certifica y di calidad.
Share this page