Nan ta na Aruba pa un bishita priva y a tuma e oportunidad pa haci un bishita pa cera conoci cu Premier Wever-Croes y Gobierno di Aruba.
Durante di e encuentro hopi ameno aki, a intercambia di ideanan riba varios puntonan. Entre otro, riba e tema finaciero, social, y enseñansa. A enfoca riba e rol y bienestar di nos muchanan den enseñansa.
Sabiendo cu Prins Constantijn ta un promotor di innovacion, ‘start ups’ y ‘entrepreneurship’, a elabora riba e plannan cu Aruba tin riba e terenonan aki. E Prins a ofrece su ayudo y asistencia.
Prinses Laurentien ya pa basta aña ta hopi involvi cu “Raad voor de Kinderen”. Un conseho di muchanan den cual ta duna muchanan bos den decisionnan importante di Gobierno, hibando mes un pensamento cu nos tin na Aruba cu muchanan ta central. A yega na hopi palabracionnan hopi concreto con por traha hunto den futuro.
Share this page