Biblioteca Nacional Aruba tin hopi buki nobo pa mucha

ORANJESTAD - Biblioteca Nacional Aruba ta ofrece un coleccion grandi di buki pa mucha di tur edad. 

Hopi storia y tambe bukinan informativo. Pa e chikitin y tambe mucha mas grandi. Buki den diferente idioma.

Coleccion grandi di buki pamucha na Biblioteca Nacional Aruba.Cuminsando na baby, peuters y kleuters. Tin un coleccion di buki cu hopi imahen, bukinan di prenchi cu e mucha chikito mes por wak, su so. Y bukinan cu un mayor por lesa hunto cu su chikitin. Esakinan ta traha di papel y carton poco mas duro.

Buki pa mucha.E coleccion di buki pa mucha cu ta bay scol primario ta amplio y tin buki na diferente idioma. Tin un coleccion di buki pa mucha poco mas grandi, hoben y adulto hoben na Papiamento, Hulandes, Spaño y Ingles. Biblioteca su coleccion informativo ta ofrece bukinan riba tur topico, di bestia pa avion, naturalesa, sprookjes, buki cu receta, poesia, deporte y algo pa cada hobby y interes pa tur mucha.

Tambe tin material pa uza pa tarea di scol. Muchanan te cu 12 aña por bira miembro na biblioteca pa solamente 1 florin. Mayor ta trece un ID valido pa registra nan yui como miembro. Mucha por hiba 3 buki cas pa 4 siman. Semper tin colega pa duna un recorido y yuda busca loke e mucha mester of ta desea di lesa.

Pa tur pregunta por yama na 528 1527 of email na info@bibliotecanacional.aw

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options