Beslag poni en relacion cu posible iregularidadnan den un fractie

ORANJESTAD - Algun tempo pasa a drenta un asina yama MOT melding (melding ongebruikelijke transactie) na Ministerio Publico.

Martiu di palo di huesE lo ta trata di iregularidadnan referente maneho di placa riba un cuenta bancario di un fundacion di e fraccion di POR den Parlamento di Aruba. Riba ordo di Procurador-General esaki a wordo investiga mas aleu door di Landsrecherche di Aruba y esey a hiba na un sospecho di malversacion. Mirando cu e placa riba e cuenta aki ta forma parti di fondonan publico y Ministerio Publico kier evita cu e placa aki lo desaparece di un manera of otro, a pone beslag riba algun cuenta cu te na e momento aki a aparece den e investigacion. Landsrecherche lo sigui haci investigacion.

Pendiente e investigacion Ministerio Publico lo no duna mas informacion tocante e contenido di e investigacion y e personanan envolvi of marca como sospechoso.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options