Barconan crucero ta bek den e prome siman di juni 2021

ORANJESTAD – Riba 22 di maart 2021, Minister di Turismo Sr. Dangui ta informa cu prome siman di juni 2021, Aruba lo ricibi su prome bapor crucero activo, despues cu un aña pasa e pandemia di Coronavirus a inicia.

Waf di PlayaActivo, ta nifica cu e bapor ta bin cu pasahero riba dje. Durante e pandemia, Aruba a keda ricibi e bapornan crucero pero solamente cu tripulante y no turista.

Waf di PlayaMinister Oduber ta señala cu Ministerio di Turismo ta trahando cu tur instancianan pa finalisa e protocol estrictonan cu ta bay tin na momento di habri e frontera pa barconan crusero na luna di juni.

Algun di e protocolnan ta entre otro cu tur pasahero mester tuma un PCR test y demostra cu esaki ta negativo prome cu subi e barco. Tambe tur pasahero y e tripulacion di e barco mester ta vacuna contra di COVID-19. Por ultimo e compania crusero no mag di bende mas di 50% na ticket di e barco su capacidad maximo, por ehempel si e barco su capacidad ta 2 mil por bende solamente mil ticket.

Barco cruceroE prome barco cu lo yega 5 di juni 2021 lo ta di Celebrity Millenium di e liña crucero Royal Caribbean Group. E barco lo sali di Sint Maarten pa Aruba, sigui pa Curacao y Barbados.

Segun e proyeccion nan haci Aruba lo por spera di juni te cu fin di aña masomenos 54 mil turista crucero. Entre lunanan di juni pa september por spera 3 barco semanal (Carnival Cruise Lines, Royal Caribbean Cruise Lines, Norwegian Cruise Lines) cu un estimado na 20% di capacidad. Na october ta spera 2 barco semanal (Royal Caribbean Cruise Lines, Norwegian Cruise Lines) cu un estimado di 35% di capacidad. Den e lunanan di november y december tambe lo tin 2 barco semanal di Royal Caribbean Cruise Lines, Norwegian Cruise Lines pero ta premira cu nan lo ta 40% yen.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options