Banco Mundial ta presenta nan rapport riba seguridad di cuminda na Aruba durante y despues di e pandemia di COVID19

ORANJESTAD - Recientemente Conseho di Minister a haya un presentacion di economista local Sr. Rendell de Kort,  consultor di Banco Mundial, riba e investigacion cu nan a haci riba e seguridad di nos cuminda na Aruba durante y despues di e pandemia di COVID19. 

Banco Mundial ta presenta nan rapport riba seguridad di cuminda na Aruba durante y despues di e pandemia di COVID-19 na Conseho di MinisterMinister di Transporte, Comunicacion y Sector Primario, Sr.  Chris Romero, tambe a tene un reunion cu econ Sr. de Kort y Sra. Nathalie Maduro, directora di Santa Rosa/DLVV relaciona cu e estudio tocante siguridad alimentario.

Rapport riba seguridad di cuminda di Banco MundialE estudio ta forma parti di e programa di asistencia tecnico pa financiamento di risico di desaster den islanan y teritorionan di Caribe. E asistencia tecnico tin como obhetivo pa mehora e resiliencia na largo plaso, como tambe e capacidad di adaptacion pa loke ta trata eventonan natural extremo y frecuente, na beneficio di esnan mas vulnerabel.

E proyecto, den forma di estudio y plan strategico, ta forma parti di e programa financia pa Union Europeo pa e "Sustainable Energy and Marine Biodiversity Program", (RESEMBID), implementa pa Expertise France, Banco Mundial y Global Facility for Disaster Reduction and Recovery (GFDRR).

Banco Mundial ta presenta nan rapport riba seguridad di cuminda na Aruba durante y despues di e pandemia di COVID-19 na Conseho di MinisterE restriccionnan imponi pa prevencion di contagio cu COVID-19 a haci cu un ekipo di experto di Banco Mundial no tabata por a bishita Aruba personalmente pa asisti na e reunionnan, pero a tene varios consulta virtual cu apoyo di Sr. de Kort.  

Memey di e pandemia di COVID19 Minister Maduro di Economia a pidi asistencia di Banco Mundial pa yuda haci un 'rapid assessement' di e seguridad di cuminda pa Aruba pa asina sigura cu nos tin suficiente cuminda durante e pandemia, y pa Banco Mundial recomenda nos ki paso pa tuma pa sigura cu nos por keda abastece nos mes di cuminda na un manera sigur despues di e pandemia tambe. 

Banco Mundial a recomenda pa desaroya agricultura na Aruba basa riba dos pilar, en corto, inverti den scala comercial via start ups y promove inversion den scala micro manera plantacion patras na cas of riba dak di cas of edificio. E rapport cu tur recomendacion ta disponibel via e link, https://issuu.com/gabinetewevercroesaruba/docs/building_resilience_in_aruba_s_food_security_durin?fr=sZGY1NjIwOTgzNQ

Conseho di Minister a pidi Departamento Economico y Santa Rosa pa traha riba un plan con por implementa e recomendacionnan mas pronto cu ta posibel. Agricultura ta un di e 6 sectornan prometedor pa diversifica nos economia y via cooperacion regional y cu yudansa di tecnologia nobo e posibilidad tey pa den forma comercial y/of nos por abastece y sigura cuminda pa nos Pais.

Minister Xiomara Maduro ta gradici e team di Banco Mundial y tambe e team di Departamento Economico y Santa Rosa hunto cu Sr. de Kort pa e trabou importante aki haci pa Aruba memey di un pandemia.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options