Ban aprecia, stima y cuida nos Papiamento

Papiamento ta un simbolo nacional di identidad esencial cu ta forma parti di nos herencia cultural, y ta e vehiculo mas uza como medio di comunicacion. Papiamento ta e lenga materno cu mayoria di nos poblacion ta uza pa comunica. Papiamento ta e wes’i lomba di nos historia y desaroyo.

E ta curason di nos cultura. Papiamento ta uni nos como pueblo pa hunto nos genera amor y respet pa cultura di nos pais.

Segun e Censo piloto na 2019, Papiamento ta e idioma mas uza na cas.

Di e 4 idiomanan mas papia den e hogarnan na Aruba, 80% ta papia Papiamento. Mayoria persona cu no ta naci na Aruba, 58%, ta papia Papiamento na cas. E cifranan aki ta mustra cu Papiamento ta e idioma preferi pa nos comunica.

Minister di Finansas y Cultura Xiomara Maduro ta invita cada un di nos pa reflexiona riba e balor cu nos ta duna na nos Papiamento. Papia y skirbi Papiamento ta un responsabilidad di nos tur. Ban aprecia, stima y cuida nos Papiamento, pa nos mes y pa nos futuro generacion.