AZV 5 ta introduci wave model – Transporte di persona cu malesa of limitacion

ORANJESTAD – Den cuadro di e COVID-19 crisis y riba peticion di gobierno di Aruba y di Hulanda, AZV a analisa diferente scenario y instrumento pa por yega na e corte sustancial di 5 miyon pa luna.

 Pa por baha gasto den cuido, AZV a introduci e 5 wave model pa asina cumpli cu e peticion.

A yega na un asina yama ‘AZV 5 wave model’, cu ta un pakete di diferente instrumento (medida) cu ta introduci inmediatamente pa. Ora a analisa e diferente instrumentonan, a dicidi cu nan mester cumpli cu 3 criteria yama “PID”:

  • mester ta Practico (mester por aplica na u forma facil, lihe y sin excepcion);
  • mester tin un Impacto (un impacto / influencia directo riba e gastonan y consumo di cuido medico);
  • mester ta Directo (por wordo ehecuta di biaha dentro di algun siman).

Transporte local

Un di e instrumentonan ta transporte local. E cambio oficialmente a cuminsa entrante 1 di juni 2020. Pero mirando e impacto di e instrumento aki, AZV ta duna un periodo transitorio loke ta nifica cu e instrumento ta drenta na vigor entrante 15 di juni 2020 y lo keda vigente te cu otro aviso.

E aseguradonan por haci uzo di transporte local solamente ora nan ta den rolstoel of mester wordo transporta via brancard. Aseguradonan cu por cana (no obstante si ta cu medio auxiliar) no por haci uzo mas di transporte cubri via fondo AZV.

E aseguradonan cu si por haci uzo di transporte local ta pashentnan cu ta interna den hospital y cu despues di tratamento (wondenpoli of radioterapia) atrobe mester bay hospital pa sigui nan ingreso (sinta, den rolstoel of transporte drumi).

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options