Temperatura halto y porcentahe medio halto te halto di humedad ademas di un biento cu ta menos fuerte cu normal durante e proximo dianan, por tin como consecuencia cu por sinti malestar. Temperatura lo oscila di 33 pa 36 grado Celsius y hunto cu un porcentahe di humedad cu ta varia di 65 te 90%, lo contribui na un indice di calor (temperatura aparente) rond di 38 te 42 grado celcius cada dia. E calor y humedad halto lo no baha mucho anochi. Temperatura lo baha solamente te un minimo di 27 te 29°c grado. Esaki lo aumenta e peligro pa hende cu no por haña un lugar adecua pa refresca nan curpa.
Nos ta den e temporarda di mas calor di aña:
Calor excesivo ta e asesino nr. 1, pa loke ta trata tempo. Hende mester ta prepara pa e peliger cu calor excesivo ta ocasiona. Mucha chikito, hende grandi y hende cu sufri di enfermedad di curason ta esnan cu ta corre mas risico. Limita actividad pafo di cas pa e oranan trempan di mainta of ora solo baha. Si bo tin un airco cu ta funciona uz'e of habri bentana pa laga aire pasa y circula.
Un aviso pa calor excesivo ta nifica cu ta spera un periodo di temperatura halto. Combinacion di temperatura y humedad halto por crea situacion den cual malesa por presenta door di exposicion prolonga na temparatura halto. Ta recomendabel pa bebe hopi likido, keda den camber cu airco y aleha for di solo.
Conseho Departamento di Salud Publico pa tuma medida di precaucion durante temperada di calor
Calor por ocasiona deshidratacion, zonontsteking, presion halto, dolor di cabes, cansancio, biramento di cabes y stoma, sacamento, cram di musculo y hasta ataca cerca un persona cu ta den e temperatura cayente pa un tempo largo.
Departamento di Salud Publico ta conseha comunidad pa durante e dianan cu ta sigui pa:
- bebe hopi awa por lo menos 2 liter pa dia;
- uza protector solar SPF 30 of mas;
- bisti bril di solo, pechi of sombre;
- uza paña di color cla preferibel di catuna of linen;
- evita bebida cayente y bebidanan cu ta contene cafeina of hopi sucu durante e oranan mas calor cu ta entre 11:00 di merdia pa 2:00 di atardi.
Nos muchanan, e enfermonan y nos hende grandinan ta esnan mas vulnerabel pa e calor aki. Ta hopi importante pa vigila nan constantemente y refresca nan curpa pa wanta e temperatura abou y hidrata nan cu suficiente likido.
Share this page