Aviso pa calor excesivo debi cu nos ta acercando e part di mas calor di aña

ORANJESTAD – Riba 25 di juli 2022, Servicio Meteorologico di Aruba (Meteo) a emiti un aviso pa calor excesivo.  

Nos ta acercando e temporada di aña unda lo bay sinti mas calor cu normal, cu ta e lunanan di augustus, september y october. Combinacion di temperatura halto y porcentahenan halto di humedad ademas di un biento menos fuerte cu normal lo pone cu por sinti molestar.

Aviso pa calor excisoAviso pa calor excisoTemperaturanan maximo di e siguiente lunanan por oscila di 34°c (93 f) pa 36°c (97 f). Porcentahe di humedad den 85 te 90% of mas lo contribui na un indice di calor (temperatura aparente) rond di 43° c (109 f) te 46° c(115 f) cada dia.

E calor y humedad halto lo no baha mucho anochi cu e temperatura bahando solamente te un minimo di 27°c (81 f) te 29°c(84 f). Esaki lo aumenta e peligro pa hendenan cu no por haya un lugar adecua pa refresca nan curpa.

Calor excesivo ta e asesino di tempo nr. 1

Hende mester ta prepara pa e peliger cu calor excesivo ta ocasiona mucha chikito hende grandi y hende cu malo di curazon ta esnan mas expone. Limita actividad pafo di cas pa oranan trempan di mainta of ora solo baha si bo tin un airco cu ta funciona uzele…of a lo menos habri bentana pa laga aire pasa y circula.

Medida di precaucion

Un aviso pa calor excesivo ta nifica cu ta spera un periodo di temperatura halto. E combinacion di temperatura y humedad halto lo combina pa crea un situacion den cual malesa causa pa exposicion prolonga na temparatura halto lo por presenta.

Bebe hopi likido (awa of juice sin sucu), keda den camber cu airco keda aleha for di solo i ademas bisti paña di color licht, preferiblemente blanco.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options