Aumento consistente den vacunacion pa promer biaha (1e dosis) durante e siman di 23 pa 27 di augustus 2021

ORANJESTAD - Durante e siman di 23 pa 27 di augustus 2021 Departamento di Salud Publico (DVG) a registra un aumento den vacunacion di esnan cu ta bin tuma e vacuna pa prome biaha.

Esaki ta un bon noticia y trend. Durante e siman di 23 pa 27 di augustus un averahe di mas di 225 persona a vacuna cu e prome dosis pa dia. Si e tendencia aki sigui asina, den e siguiente simannan un averahe di 1000 persona pa siman por ricibi e prome dosis di vacuna y asina ta keda parcialmente protehi contra Covid-19.

Walk in vacuna personanan 60+.Edificio Departamento di SaludDespues di 3 siman nan lo tin cu bolbe riba e fecha di nan cita pa tuma e di dos dosis di e vacuna di Pfizer of si pa un of otro motibo e persona a lubida riba su cita e por walk in pa ricibi su di dos vacuna. Esnan cu ta desea di ricibi e vacuna di Jhonson and Jhonson cu ta un solo un dosis, esaki tambe por haciendo un cita na nr di telefon 5224200 of 2800101. Na Aruba na e momentonan aki tin un cantidad di 30 mil hende riba 12 aña cu ainda falta pa haya e vacuna.

DVG ta desea di informa tur esnan 60+ cu ainda no a vacuna cu nan por Walk-in nan na edificio situa na Caya Ing. Roland H. Lacle 4, Oranjestad, Aruba, cana kibra sin cita entre diamars te cu diabierna parti mainta entre 8:00 cu 11:30 pa ricibi nan prome of di dos dosis. Pa haci cita pa vacuna por download e Aruba Health App y registra of via www.dvg.aw of tambe por yama 2800101 of 5224200.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options