HomeActualidadNoticiaAudiencia Embahador Colombia

Audiencia Embahador Colombia

Dit item is gearchiveerd op 25-03-2022.

ORANJESTAD - Riba diahuebs 24 di februari 2022 Gobernador suplente di Aruba, Su Excelencia Agustin Vrolijk, a ricibi señor Fernando Antonio Grillo Rubiano, Embahador di Colombia den Reino, pa un audiencia na Cas Ceremonial.

Señor Rubiano riba 7 di april 2021 a presenta su credencialnan na Rey Willem-Alexander. Actualmente e ta realisando un bishita di trabao na Aruba como un introduccion oficial. Durante di e audiencia señor Rubiano a wordo acompaña pa señor Ernst Noorman, Embahador di Reino na Bogota y e Consul di Colombia na Aruba recientemente acredita, señora Mirza Cristina Gnecco Plá.

E temanan cu a trata ta inclui, entre otro, e gran cantidad di refugiado Venezolano na Colombia y e proximo eleccionnan legislativo y presidencial na Colombia. Tambe a papia tocante comercio entre e paisnan y e posibilidad pa studiantenan di Aruba sigui nan estudio na Colombia.

Potret: © Kabinet Gouverneur Aruba

Gobernador suplente di Aruba, S.E. Agustin Vrolijk y e Consul di Colombia na Aruba recientemente acredita, señora Mirza Cristina Gnecco Plá.     Señor Ernst Noorman, Embahador di Reino na Bogota, Gobernador suplente di Aruba, S.E. Agustin Vrolijk y señor Fernando Antonio Grillo Rubiano, Embahador di Colombia den Reino.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options