"Nos ta sumamente contento di por a expande nos rutanan den Caribe pa y desde Aruba cu un operacion adicional for di Boneiro. 17 di februari ta marca e prome dia cu nos servicio directo for di Boneiro despues di a sali mainta trempan for di Corsow. Banda di e operacionnan di y pa Corsow den un manera liher y comfortabel, Jetair awo lo trece e servicio aki pa y desde Boneiro tur siman riba diaranson y diabierna.
Adicionalmente, Jetair ta ofrece conexionnan facil for di Aruba pa Kingston riba dialuna y tambe pa Sint Maarten riba diabierna. Nos ta ansioso di por ofrece e servicio nobo aki pa Aruba y nos ta spera di mira bo pronto abordo," asina Jetair su CEO Sr. Robert Maas a expresa.
Manera Sr. Maas a menciona, Jetair ta programa pa brinda servicio non-stop for di Boneiro pa Aruba dos biaha pa siman. Jetair lo uza un avion F70, cu e capacidad di 80 asiento. E aerolinea su schedule di yegada y salida ta complimenta e trafico di biahamento pa placer y pa negoshi den ambos direccion:
Diaranson – E avion lo sali for di Aruba 7:10 PM, yegando Boneiro 8:00 PM, y saliendo bek pa Corsow 8:45 PM.
Diabierna – E avion lo sali for di Boneiro 8:25 AM, yegando Aruba 9:15 AM, y saliendo bek pa Corsow 10:00 AM.
Jetair ta un aerolinea cu base na Corsou cu lo ofrese servicio entre e islanan Aruba, Corsou, y awo tambe Boneiro cu posibilidad amplio pa conecta cu otro destinacionnan den Caribe, manera Paramaribo, Kingston, Santo Domingo, Sint Maarten, y Port-Au-Prince. “Nos ta feliz di por yama Jetair como un di nos partnernan bonbini atrobe cu e servicio nobo non-stop di Bonairo.
Asina aki nos ta ampliando e opcionnan disponibel pa cu trafico aereo entre e islanan den Reino Hulandes. Esaki tin un luga importante den nos agenda pa stimula ainda mas e trafico meymey di e islanan ABC. Nos ta desea e aerolinea un trayectoria fructifero cu e servicio nobo aki,” asina AAA su CEO, Joost Meijs a expresa.
Share this page