Aruba’s outdoor amenity

ORANJESTAD – Recientemente gobierno a  anuncia cu lo instala un grupo di trabao pa traha riba programa di maneho; “Aruba Outdoor Amenity Economy”.

Faro CaliforniaDurante di e Pandemia, mescos cu tur pais na mundo, Aruba su economia tambe a sufri.

Nos economia a sufri mas debi cu Aruba tin solamente un pilar economico cu ta turismo. Riba 4 di januari 2021, Prome Minister Evelyn Wever-Croes a elabora ampliamente riba entre otro e maneho pa recupera nos economia.

Despues cu Covid-19 a dal, Gobierno a instala diferente grupo di trabao cu a cuminsa traha riba un Master Plan. 250 boluntario a bin hunto y a traha riba e Masterplan “Reposicionando rumbo di nos pais”, p’asina recupera Aruba su economia. Varios proyecto ya ta andando y e comisionnan ta trahando awor riba e implementacion.

Un comision mas chikito a haya e encargo pa bin cu ideanan nobo y diferente, cu ta “Out of the Box” cu por contribui na innovacion di Aruba su economia. Despues di a haya un presentacion, Gobierno awor por anuncia cu lo instala un grupo di trabao pa traha riba programa di maneho; “Aruba Outdoor Amenity Economy”.

Eagle BeachKico esaki ta encera?

Ta bay crea un pilar economico di patrimonio natural, cultural y monumental di Aruba. Un pilar economico di nos hendenan pa nos hendenan, pues di nos pa nos mes.

Durante di e pandemia paisnan rond mundo a realisa cu e actividadnan social, creativo y recreativo pafo di edificionan ta mas sigur y alavesplacentero. Aruba tin hopi potencial den e area aki. Ainda no ta probecha di e oportunidadnan aki suficientmente, especialmente pa e aspecto di balor economico agrega.

E comision a sugeri pa crea Programa di Maneho Strategico pa 3 Ministerio, cual lo stimula e actividadnan: Creativo, Recreativo, Cultural cu un balor Social, Laboral y Economico. 

Baby BeachE Ministerionan di Infrastructura y Medio Ambiente, di Asuntonan Economico y Cultural combina cu Ministerio di Turismo lo ta envolvi den e programa.

E programa di maneho mester conduci na upgrade e patrimonionan escogi den e prome fase y traha riba un plan pa mehora e calidad di experiencia di e bishitante na cada un di e patrimonionan, sea ta nos mes hendenan local of turista.

A inventarisa e Patrimonionan y a cualificanan den diferente categoria; A) Natural, B) Monumental, C) Historico y Cultural. Ta evaluando na e momentonan aki nan condicion pa asina bin cu un plan pa upgrade cada un di nan na forma diferente, fase pa fase segun e capacidad di Gobierno. E idea ta cu cada un di e patrimonionan ora cu nan ta cla, lo por ofrece den un forma nobo y innovativo, oportunidadnan creativo, comercial y recreativo, cu ta genera empleo y entrada nobo pa nos hendenan y nos economia.

Ehempelnan di esaki por encera:

Beach Galeria, Galeria di Arte y Souvenier di Aruba, ubica na nos playanan caminda obra y souvenir cu ta refleha e historia y cultura tipico Caribense di Aruba so lo por bende. Pues nos artesanonan actual y esnan nobo cu ta sinti nan mes inspira lo por participa. E comision y e departamento di e Ministerionan encarga lo percura pa un bon coordinacion di esaki.

Ayo Rock FormationEhempelnan di e proyecto aki, ta entre otro:

  • Ayo Rock Formation, cu ta nos patrimonio natural, cu un balor historico enorme. Lo upgrade e facilidad, traha un bon parkeo, dun’e un entrada atractivo cu borchi di informacion y indicacion di e ruta pa sigui. Tambe lo upgrade e luganan cu por saca potret, lo tin un luga unda ta bende souvenir exclusivamente di Ayo.  
  • Faro. Souvenir di Faro bo ta haya unicamente na e sitio aki. Ademas lo tin luga pa saca potret eynan.
  • Eagle Beach, cu ta un beach cu a gana hopi reconocemento mundial, lo haya un upgrade.
  • Baby Beach.

E trabounan aki lo cuminsa pronto. Esaki ta crea un oportunidad unico pa nos artesanonan, cu lo stimula desaroyo economico na cada un di e luganan aki, crea empleo pa nos hendenan y duna mas realse y contenido na nos producto turistico.

“Pronto e comision lo informa tocante di e proceduranan pa participa na e workshopnan creativo cu lo organisa pa stimula e industria Creativo - Artesanal. Ya ta ora cu nos souvenirnan y demas obranan di arte cu nos ta decora na cas por wordo traha na Aruba. Historia di Indigena na Aruba, Oro, Aloe, Fosfaat, Industria y Segunda Guera Mundial lo bay bira parti integral di nos producto Aruba pa nos bishitantenan, pero tambe pa nos pueblo, nos hobennan y nos muchanan. Asinan nan ta cera conoci cu e fundeshi historico y cultural di nos pais. Esaki ta e plan y ideanan pa crea pilar economico y asina desaroya nos economía. Nos ta convenci cu esaki lo trece beneficionan grandi pa nos economía”, Prome Minister Evelyn Wever-Croes a termina bisando.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options