Aruba y Jet Blue ta introduci CommonPass digital health pass

ORANJESTAD – Minister di Turismo, Salubridad Publico y Deporte Sr. Dangui Oduber ta informa cu Gobierno y ATA a yega na un acuerdo cu e compania di Jet Blue caminda lo bay reduci e tempo di espera di nan pasaheronan cu ta yega desde e destinacion di Boston pa Aruba.

Avion JetBlueRiba 16 di maart 2021 a tuma lugar e prome vuelo di Jet Blue desde Boston cu a haci uzo di e “CommonPass digital health pass”. Esaki ta un app cu e biahero mester download riba su cel prome cu e biaha caminda e por prueba cu su test di COVID ta negativo. Cu e “CommonPass digital health pass” aki na momento cu e biahero yega Aruba e ta para den un liña preferencial na migracion na aeropuerto y tampoco mester bolbe haci un test di Covid na Aruba tanten cu su test ta haci maximo 72 ora prome. Di e manera aki ta reduci e tempo di espera di nos turistanan den aeropuerto dunando nan un experencia mas agradabel na yegada na nos isla. Tambe e ta trece un extra seguridad den biahamento en general.

Logo JetBlueE “CommonPass digital health pass” ta hopi similar cu e “Aruba Health App”, tur dos ta traha directamente cu e fuente di esnan cu ta duna y controla e PCR Test di COVID. Por ehempel na Aruba bo ta haya bo resultado directamente for di e laboratorio cu ta controla e test. “CommonPass” a cera partnership cu 2 compania cu ta haci e test di COVID na cas of na aeropuerto, esta e compania Vault y XpresCheck.

Minister Oduber a indica cu Aruba semper a promove biahamento sin stress na yegada y na salida y awor un biaha mas den bon cooperacion cu Jet Blue y e “CommonPass”, Aruba un biaha mas ta lidera mundo atrabes di tecnologia y innovacion pa restaura un bes mas e confiansa den ambos e clientenan y e biahamento. Awor esaki ta solamente for di Boston pero e idea ta pa haci esaki for di New York tambe y acerca mas aerolinea pa haci mescos. Esaki lo trece cune cu tur turista biahando pa Aruba lo experencia con lihe e proceso ta tuma pa drenta Aruba mientras cu nan tin nan trankilidad cu nan a cumpli na un manera sigur cu tur e criterianan pa drenta Aruba.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options