Aruba Tourism Authority a presenta nan plan di mercadeo 2022

Dit item is gearchiveerd op 16-10-2021.

ORANJESTAD – Riba 15 di september 2021, den un reunion cu Minister di Turismo Dangu Oduber, ATA a presenta  plan di mercadeo di nos turismo pa aña 2022.   

Manera ta conoci aña 2020 y 2021 tabata aña nan hopi duro pa e turismo di pais Aruba. Esaki a haci cu ATA mester a cambia strategia y hasta uza fondonan di emergencia pa mercadea pais Aruba. 

Presentacion marketingplan Aruba Tourism Authority (ATA) 2022.Presentacion marketingplan Aruba Tourism Authority (ATA) 2022.ATA a selecta un agencia nobo di mercadeo na aña 2020 pa reforsa e strategia na Norte America, despues di un proceso rigoroso. A evalua e diferente agencianan di mercadeo y/of promocion cu ta tuma lugar periodicamente. Esaki ta pa sigura cu tur e agencianan cu ta traha pa Aruba y tambe e ekipo di ATA ta keda skerpi. ATA ta keda percura pa e agencianan ta cumpli cu strategianan stipula pa cada mercado internacionalmente. Pa di e manera aki e vision di pais Aruba keda alinea y asina atrae e turistanan cu nos ta desea.

Actualmente Aruba ta trahando cu e compania “Engine” pa e mercadeo Norte Americano. Ta trahando cu e compania aki desde aña pasa. ATA ta satisfecho cu e resultadonan obteni te cu awor pa “Engine” mey mey di un pandemia. Mirando e retonan nobo di ATA tog a dicidi di cuminsa e proceso pa cambia pa un otro agencia, un agencia cu por pusha e demanda pa Aruba aun mas den e situacion dificil.

Recientemente ATA a inicia un trayecto di investigacion profundo, e proceso aki ta pa sigura cu Aruba ta keda lidera den turismo. E investigacion aki ta parti integral di e strategia pa loke ta trata e plan di mercadeo di aña 2022. Den e plan aki lo bay evalua tur e mercadonan di Aruba pa mira kico ta e punto di benta di cada un di nan. Di e manera aki captura e atencion debidamente di nos cliente teniendo bon cuenta cu e necesidad y deseonan di e consumidor cu nos kier atrae.

Presentacion marketingplan Aruba Tourism Authority (ATA) 2022.Presentacion marketingplan Aruba Tourism Authority (ATA) 2022.ATA semper a tuma decisionnan cardinal a base di e datonan y investigacion haci. E decisionnan y strategianan di ATA semper tabata den consulta cu e Minister y e hunta di supervision di ATA, di e manera aki tur ta riba mesun linea. Den aña 2022 ATA lo bay concentra aun mas riba e perfil di bishitante di “High Value”. Esaki ta referi na e turista cu ta laga mas placa atras den nos economia. Tambe lo bay enfoca riba e perfil di “High Value Low Impact Tourism”, esaki nan ta e turistanan cu ta gasta hopi y respeta nos naturalesa y balornan cultural.  

Pa realisa e vision aki caminda gran mayoria di nos bishitante ta respeta locual ta importante pa nos. Pa realisa e importancia aki, no solamente mester enfoca localmente riba educa esnan cu ta provee servicio y bishita, pero tambe den atrae esnan cu afinidad pa nos producto turistico, pero tambe cu balor pa locual ta importante pa nos desaroyo duradero.

 E investigacionnan haci pa ATA lo finalisa na october di e aña aki y lo incorpora e resultadonan di e strategia di comunicacion pa 2022 (esaki ta e punto di benta di cada mercado turistico).

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options