Aruba tawata punto di encuentro pa curso di Ship Sanitation Certification duna door di RIVM Hulanda pa islanan CAS y BES

E curso aki ta necesario pa como pais bo tin autoridad cu tin conocimento di tur e exigencianan stipula conforme “International Health Regulations (IHR)”, na momento cu mester otorga un “Ship Sanitation Certificate” na un barco.

E responsabilidad di World Health Organization (WHO) ta pa maneha e control di transmision di enfermedad internacionalmente, di cual International Health Regulations (IHR) ta un di regulacion di WHO cu tin medida stipula pa evita cu transmision di malesa por tuma lugar.

Na e curso aki a participa Aruba, Boneiro, Curacao, St Maarten y Saba.

E curso di “Ship Sanitation Certificate” ta hopi importante pa e Inspectornan di seccion di Dienst Warenkeuring en Hygiëne di Departamanto di Salud (DVG). Mirando cu den pasado nan tawata otorga “Derating Certificate”, pero den curso di aña 2005 WHO a bin cu revision di e “International Sanitary Regulations” y a adapt’e y e la bira “International Health Regulations (IHR)”.

Asina cu Aruba bin riba e lista di WHO como un focal point, e Inspectornan di Departamento di Salud (DVG) cu ta encarga pa implementa e medidanan di salud ariba e barco conforme e exigencianan stipula den “International Health Organization (IHR)” lo por otorga e “Ship Sanitation Certificate”.

Siete empleado di Dienst Warenkeuring en Hygiene  a participa na e curso y a haya nan certificacion.