Aruba ta prolonga e cierre di frontera cu tres luna mas

Dia 10 di mei ultimo, Prome minister Sra. Mr. Evelyn ever-Croes a firma e decreto pa cera e frontera entre Aruba y Venezuela.

Den e decreto a pone un periodo di un luna pa evalua e situacion. E luna aki ta venciendo y a haci un evaluacion, Gobierno di Aruba a tuma e decision pa prolonga ciere di e frontera cu Venezuela pa 3 luna mas na unda cu lo sigui evalua e desaroyonan y situacion pa tuma un decision di nobo si lo mester prolonga atrobe.

Premier Evelyn Wever-Croes, contestando varios pregunta cu Gobierno a ricibi tocante e pakico ta cera e frontera cu un luna of tres luna so, el a bisa cu esaki ta asina pasobra ley ta exigi pa menciona un periodo na unda Gobierno ta hustifica pakico e periodo aki ta necesario. Segun ley, no por indica cu ta pa un periodo indefini. Gobierno den e asunto aki ta actua conforme cu ley.

Den e ultimo simannan cu a pasa, Premier di Aruba tawata tin coordinacion cu Premier di Corsou, Eugene Rhuggenaath y Minister Stef Blok di Relacion Exterior di Hulanda riba e tema aki y tur ta riba un linia pa prolonga e ciere di frontera.

Ta prolonga e cierre di frontera entrante 10 di juni cu tres luna mas