Aruba ta haya prestamo di Hulanda pa cubri pago di debe externo den aña 2021 y 2022

ORANJESTAD - E siman aki Minister Xiomara Maduro di Finansa a firma hunto cu Secretario di Estado di Hulanda Knops pa Aruba por haya un prestamo pa por cubri e pago di e debe externo den aña 2021 y 2022.

Ta trata aki di un suma di 177.1 miyon pa cubri e debenan cu ta madura den aña 2021 y 346 miyon cu ta madura den aña 2022.

Minister Xiomara Maduro ta firma prestamo pa por cubri e pago di e debe externo den aña 2021 y 2022. Minister Xiomara Maduro ta firma prestamo pa por cubri e pago di e debe externo den aña 2021 y 2022. E debenan aki cu ta suma 523.1 miyon cu a haci 10 aña pasa pa cual Aruba ta paga un interes entre 5 pa 6%. Cu Hulanda a yega na un acuerdo cu ta refinancia e debenan aki na un interes rebaha di 2.64%. E refinanciamento aki na un interes reduci ta scapa Aruba un 82 miyon florin na gasto di interes den e proximo 7 aña. Ta bon pa remarca cu e prestamo nobo aki no ta hisa e nivel di debe di nos Pais.

Refinanciamento aki na interes reduci via Hulanda ta importante ya cu inversionistanan por ta garantisa cu Aruba ta keda cumpli cu su obligacionnan financiero den aña 2021 y 2022.

E refinanciamento aki ta trece trankilidad cerca tur inversionista y companianan di rating manera Standard and Poor's y Fitch cu ta evalua e credibilidad financiero di Aruba. Di e manera aki Gobierno ta keda traha na un manera serio pa por sigui garantisa un bon 'standing' pa Aruba cerca inversionistanan.

Prestamo firma door di Minister di Finansa Xiomara Maduro y Secretario di Estado di Hulanda Knops pa por cubri e pago di e debe externo den aña 2021 y 2022.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options