Aruba ta habri frontera cu merca cu mas exigencia pa estadonan di halto riesgo

Dit item is gearchiveerd op 07-08-2020.

ORANJESTAD - Gobierno conhuntamente cu e crisisteam y otro instancianan concerni ta monitor e situacion di Merca di cerca, especialmente debi na e hecho cu e fronteranan ta planea pa habri riba 10 di juli proximo.

Crisis team COVID-19Manera ta conoci Merca ta mirando un crecemento significativo di e casonan di infeccion di COVID-19 den cierto estado. Den e otro estadonan e casonan di infeccion ta bahando, y mester remarca cu mayoria di e turistanan ta bin di e estadonan aki.

Sinembargo, Gobierno no kier core riesgo adicional. Pa e motibo aki despues di a evalua e situacion di cerca y siguiendo e consehonan di e expertonan den e area medico y epidemologico, a dicidi di tuma e pasonan necesario pa disminui e riesgo pa cu entrada di bishitantenan pa Aruba, y pa tuma pasonan adicional pa loke ta estadonan di halto riesgo. Segun expertonan esaki ta un strategia cu ta “safe” pa Aruba.

Lo permiti pa drenta Aruba, e residentenan di Merca di estadonan cu No ta di halto riesgo, cu e condicion cu ta presenta un test di COVID negativo prome cu vuelo of na entrada na Aruba.

Sin embargo, lo exigi residente di e estadonan di halto riesgo pa haci e test ayanan prome y solamente si e ta negativo y a completa e proceso di ED card (https://edcardaruba.aw/), ta permiti nan di drenta Aruba.

Esaki ta significa cu e opcion di haci un test na Aruba na yegada NO lo ta aplicabel pa e bishitantenan aki.

E rekisito aki lo ta aplicabel pa e residentenan di e siguiente estadonan:

  • Alabama;
  • Arizona;
  • Arkansas;
  • California;
  • Colorado;
  • Florida;
  • Georgia;
  • Idaho;
  • Iowa;
  • Kansas;
  • Louisiana;
  • Mississippi;
  • Nevada;
  • North Carolina;
  • Ohio;
  • Oklahoma;
  • Oregon;
  • South Carolina;
  • South Dakota;
  • Tennessee;
  • Texas;
  • Utah;
  • Wisconsin;
  • Wyoming.

Lo sigui monitor  e situacion na Merca tur dia y lo evalua cada dia kico lo ta e pasonan cu mester tuma pa asina salvaguardia e siguridad di nos comunidad y nos bishitantenan. Ta di remarca cu Aruba su mercadonan principal ta riba bon caminda y ta manehando e virus aki den un manera positivo.

Aruba ta sigui ta un destinacion hopi popular pa e mercado di Merca, pero manera ya menciona mester tuma tur e medidanan na cuenta pa asina sigura cu nos isla por maneha e situacion di salud na un manera responsabel.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options