Aruba ta conoce su prome Tech Lab na un scol basico

ORANJESTAD – Riba 27 di october 2022, tuma luga inauguracion di e prome Tech Lab na un scol basico, esta na Colegio Sagrado Curason.

Ceremonia di  inauguracion di e prome Tech Lab na un scol basico, esta na Colegio Sagrado CurasonCeremonia di  inauguracion di e prome Tech Lab na un scol basico, esta na Colegio Sagrado CurasonProme Minister Evelyn Wever - Croes na ocasion e lansamento di e proyecto innovativo aki a tene un discurso den cual a reconoce esnan cu a realisa e proyecto aki y accentua e importancia di desaroyonan innovativo cerca nos muchanan. A traves di e proyecto aki e muchanan lo siña tecnologia y e tendencianan nobo den educación. Ademas nan lo tin e oportunidad pa ta creativo y explora nan imaginacion. Educacion di nos muchanan ta e fundeshi di nos futuro.  

Diferente organisacion a colabora y contribui na  realisacion di e Tech Lab na Colegio Sagrado Curason.   

Ceremonia di  inauguracion di e prome Tech Lab na un scol basico, esta na Colegio Sagrado CurasonCeremonia di  inauguracion di e prome Tech Lab na un scol basico, esta na Colegio Sagrado CurasonDurante Immerse 2021, Jufrouw Nadia y Ruzischka (cu tabata bezig pa un tempo caba) a presenta nan soño pa crea un Tech Lab innovativo na Colegio Sagrado Curason. Un espacio creativo ekipa cu tecnologianan nobo den educacion pa stimula alumnonan pa siña mas di ciencia y tecnologia. Mirando e determinacion di e juffrouwnan aki, e compromiso di mayornan, di tur maestro, y tambe mirando tur e pasonan tuma caba pa haci esaki un realidad, a haya sa detayadamente kico e plan ta encera y con por yuda haci esaki un realidad.

Asina atraves di Futura cu su proyectonan piloto enfocando riba innovacion den educacion, gobierno a haci e proyecto aki un prioridad pa aña 2022. Hunto cu ayudo di Futura, juffrouw Ruzischka y Nadia kendenan a lidera e diseño di e proyecto aki, a cuminsa acerca partners pa por haci nan vision un realidad. Loke tabata un soño e tempo ey na 2021, a bira un realidad awe exactamente un aña despues.

Ceremonia di  inauguracion di e prome Tech Lab na un scol basico, esta na Colegio Sagrado CurasonCeremonia di  inauguracion di e prome Tech Lab na un scol basico, esta na Colegio Sagrado CurasonE Tech Lab aki ta un ehempel cu por ehempel un tiki verf, y hopi creatividad y determinacion, ningun soño ta mucho grandi pa por wordo realisa. Ofreciendo alumnonan y docentenan un espacio cu lo trece nos educacion na e siguente nivel. Tambe como parti di 'train the trainers', maestronan atraves di e Tech Lab ye  espacio aki, por explora tambe y comparti conocemento cu otro.

Prome Minister Wever - Croes a indica cu tin un espacio grandi den e area di innovacion den gobierno, den nos sociedad y especialmente den nos scolnan. Den nos comunidad tin biaha nos mes ta resisti tecnologia, of cambionan. Tecnologia ta avansando rápidamente  y  ta hunga un rol primordial den e futuro desaroyo di nos pais. Nos muchanan lo bay eherce trabounan cu ta rekeri capacidad pa traha cu tecnologianan avansa y cu porta ainda no ta existi. Aunke e por ta mustra leu ainda, e ta mas cerca cu nos ta kere, pues mester cuminsa prepara nos generacion nobo pa trabou di futuro.

Prome Minister Wever - Croes a termina reconociendo un bes mas e trabou di cada uno cu a haci e proyecto aki posibel, esta henter e team super dinamico di Colegio Sagrado Curason y e team di Futura.

     Ceremonia di  inauguracion di e prome Tech Lab na un scol basico, esta na Colegio Sagrado Curason

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options