Aruba na prome lugar entre islanan den Caribe cu mas vacuna aplica pa cada 100 mil habitante

ORANJESTAD – Segun ourworlddata.org. Aruba na prome lugar entre islanan den Caribe cu mas vacuna aplica pa cada 100 mil habitante.

Porcentahe personanan cu a ricibi por lo menos 1 dosis di e vacuna COVID-19 - Paisnan. Aruba su recuperacion ta mustra den direccion di uno positivo y fructifero. Turistanan ta ansioso pa cuminsa biaha y ta sondia pa bay vakantie na e destinacionnan cu tin grado mas halto di vacunacion. Unda nan por ta sigur cu e transmision di e virus di COVID ta uno minino. Aruba actualmente ta na puesto nr 1 entre e islanan den Caribe y na number 2 entre e paisnan miho vacuna di mundo. Esaki sigur ta motibo pa nos sinti nos mes orguyoso y tambe encurasha esnan cu ainda no a forma parti di e solucion pa haci esaki y vacuna.

Porcentahe personanan cu a ricibi por lo menos 1 dosis di e vacuna COVID-19 – Islanan.Mas lihe nos yega entre 75% cu 85% di comunidad mas lihe nos lo recupera nos pilar turistico y nos economia.

Entrante diaranson 28 di april 2021, ya no tin nesesidad mas pa warda riba un cita pa vacuna. Es cu no a ricibi su prome vacuna ainda por registra via Aruba Health App of via www.dvg.aw  of www.arubacovid19.org  y despues 'walk in' na e localidadnan Teresita Center of Centro Libertador Betico Croes y ricibi nan prome vacuna. Es cu no por registra online tambe por yega na e puntonan di vacunacion y lo wordo registra y vacuna tambe. Pa di dos dosis di vacuna si ta necesario yega na e cita acorda caba.

Na e momento aki Aruba tin 54% di e grupo di meta 18+ vacuna y nos ta encurasha tur cu ainda no a vacuna pa den e dianan cu ta sigui, yega y vacuna y contribui na nan propio salud, na Aruba su recuperacion y futuro. 

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options