Aruba den top 3 como destinacion turistico di Caribe

ORANJESTAD – Aruba ta keda un destinacion hopi atractivo pa turismo y esey a keda demostra un bes mas cu cifranan cu ta surpasa turismo na 2019 como aña cu a kibra record.

Pa october 2023 e cifranan ta positivo y e reportahe ta demostra cu Aruba ta den e top 3 destinacionnan pa bishita den caribe. Na october a ricibi 93,857 turista via nos aeropuerto, un crecemento di 12.4% den comparacion cu luna di october 2022. 81.6% di turista a bin for di Norte America, 10.1% di Sur America y 5.9% for di Europa.

Yegada te cu october 2023/2022E motibo di bishita pa e luna di october 2023 en comparacion cu 2022 ta pa negoshi, conferencia y compras na Aruba. E experiencia di e bishitante ta keda uno halto y ta score servicio cu 9.3 y gastronomia cu 9.5, segun evaluacion di e propio turista.  

Aruba Tourism Authority (ATA) ta traha cu e plataforma transparent insight” cu ta midi e termino corto pa vacation rentals” na e propiedadnan na Aruba y ta evalua e average daily rate” (ADR) pa midi e impacto cu esaki tin ariba nos economia. Ademas, loke ta vacation rentals” den caribe, Aruba ta den e top 3 nan cu tin e (ADR) mas halto. Vacation Rentals na Aruba di januari pa october di 2023 ta $47.424,595 mas compara cu 2022. E scenario aki ta demostra cu tin crecemento y cu nos bishitantenan ta gastando mas cen den nos economia.  

Linea crucero nan tambe ta demostra confiansa den Aruba cu un crecemento di 60.5% di januari pa September di 2023 den comparacion cu 2022.  

Gobierno ta gradici tur partner y esnan laborando den e industria di turismo cu ta haci cu awe Aruba ta surpasando tur espectativa den su recuperacion.

Entrada januari – october 2023    E resultadonan di turismo pa luna di october 2023        

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options