Aruba Cybersecurity Center of Excellence ta un realidad

Dit item is gearchiveerd op 26-06-2023.

ORANJESTAD - Pa varios luna SETAR ta trahando riba un proyecto importante pa diversifica su portfolio y economia di Aruba, cu ta encera un Cybersecurity Center of Excellence (CCoE).

Lo establece eCCoE cu un partner strategico y experto señor Paul Eelens conhuntamente cu un empresa Hulandes.

Minister di Asuntonan Economico, Comunicacion y Desaroyo Sostenibel, Geoffrey Wever, cu ta representa Gobierno di Aruba como accionista unico di SETAR a haya un presentacion di e empresa CCoE, cu ta specialisa riba cybersecurity avansa.

"Mi ta sumamente orguyoso cu SETAR a haci e paso aki, y asina ta contribui na diversificacion di nos economia y tambe na fortifica e knowledge economy. E CCoE tin e potencial di exporta servicio den region y nos ambicion ta pa e CCoE bira un regional player", segun Minister Wever.

Presentacion  Aruba Cybersecurity Center of ExcellenceE realidad di e mundo digital di awe ta cu sistemanan digital ta hunga un rol vital den nos bida diario. Nos ta depende di tecnologia pa comunicacion, haci negoshi, educacion, cuido di salud, y entretenimento etc. Pero e dependencia aki ta haci nos vulnerabel pa atake cibernetico (cyber attacks), breach di data (data breach) y otro menasa di siguridad.

Mundo digital ta compleho y dinamico. Mientras tecnologia nobo ta surgi, tambe ta surgi reto nobo di siguridad.Hackers y criminal digital ta busca constantemente manera nobo pa explora vulnerabilidad den nos sistema digital caminda nan por infiltra. Ta horta data/informacion critico (“data breach”) of “secuestra” data/informacion critico (via “ransomware”) a traves di diferente metodo of scam.

Phishing scams, malware, DDoS y otro forma di metodo uza pa criminal cibernetico ta aumentando drasticamente.Consecuencia di e atakenan aki por ta serio, manera perdida financiero severo y daño na reputacion, como tambe menasa pa siguridad nacional y hasta por ocasiona perdida di bida.

Den termino global, siguridad cibernetico ta un problema creciente y ta afecta tur tipo di organisacion y individuo mundialmente. Ta calcula cu crimen cibernetico ta costa economia global mas di $1 triyon anualmente y ta premira cu e cifra aki lo aumenta. Crecemento di conexion den nos sistema digital, importancia di Internet of Things (IoT) y adoptacion extenso di Cloud Computing (warda data/informacion digitalmente via internet), entre otro tendencianan, ta aumenta posibel atake pa criminal cibernetico.

Siguridad cibernetico a bira prioridad pa gobierno, empresanan y individuonan.
E participacion di Setar NV den CCoE ta un paso importante pa proteha e “digital assets” di Aruba, incluyendo e infrastructura IT critico di gobierno, infrastructura, y comercio. Mester eleva e nivel di siguridad urgente pa evita infiltracion criminal, cu tur consecuencia posibel, manera interupcion di sistema of perdida di dato.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options