Aruba a cuminsa aplica sancionnan

Manera ta conoci, varios país, entre otro Merca, Reino Unido y Union Europeo, a emiti sancionnan en conexion cu e situacion aki. E sancionnan aki ta toca diferente area; financiero, maritimo, diplomático, pero tambe pa loke ta aviacion. Na Aruba, mescos cu otro paisnan, ta evaluando e aplicacion di cada sancion y ta integrando esaki den nos leynan. Esaki a base di e sancionnan di Union Europeo, cu Aruba ta siguiendo. 

A base di esaki a tuma e paso pa cera espacio aereo pa tur avion cu ta propiedad di of cu ta wordo dirigi pa un persona of compania Ruso.

Ademas di esey, Departamento di Aviacion Civil a cuminsa tambe cu implementacion di e sancionnan y a cuminsa aplica esaki riba un total di 7 avion. Esaki ta encera de-registro of grounding di e avion, dependiendo di e sancion.

Hunto cu Departamento di Aviacion Civil, Ministerio di Transporte lo sigui monitorea e sancionnan di cerca. E sancionnan ta wordo adapta regularmente, y lo percura pa Aruba aplica esakinan debidamente.