Gobierno a stipula un meta pa un crecemento di 5% pa turismo crucero y 3% pa turismo general. Ministro di Turismo ta atribui e resultado positivo na e bon relacion entre tur partner envolvi, e promocion fuerte y diversificacion.
Durante 2011 Aruba a ricibi 599.973 turista crucero; na 2010 e cantidad tabata 569.424.
Gobierno ta considera e turismo crucero importante no solamente pa e impacto cu e tin ariba e economia pero cada turista crucero ta un posibel “stay over”, dus un turista cu lo por regresa y keda mas dia na Aruba. Ta spera cu durante 2012 Aruba lo ricibi mas cu 600.000 turista crucero.
Pa loke ta turismo general, Aruba a ricibi durante 2011 871.316 turista compara cu 824.330 durante 2010. E mercado di Sur America a crece cu 26.8%, Europa cu 7.2% y e mercado di Norte America y Canada a keda igual. E crecemento ta debi na e diversificacion y e promocion fuerte cu a tuma luga specialmente den Sur America.
Share this page