HomeActualidadNoticiaArtista Omaira Silva ta traha un obra special na biblioteca

Artista Omaira Silva ta traha un obra special na biblioteca

Dit item is gearchiveerd op 30-10-2022.

ORANJESTAD - Biblioteca Nacional Aruba ta sumamente contento cu artista di Mosaico, sra. Omaira Silva, ta bay traha riba un obra special na biblioteca. Sra. Silva mes ta traha su diseño di flora y fauna pa riba muraya di biblioteca parti patras den ‘Hofi Joy’ y tambe dos banki di cement.

Biblioteca ta desea un bunita hardin rond di e edificio principal den George Madurostraat 13 y ta plantando matanan y palo di fruta. Tambe tin un area di un teatro den aire liber. Aki ta pasa pelicula pa mucha den vakantie grandi.

Artista Omaira Silva Obra di arte Omaira SilvaSra. Silva ta desea pa esaki ta un proyecto comunitario y ta pidi hoben pa bin yuda traha riba e obra den Herfstvakantie. Hoben por pasa wak libremente y traha cita cu e artista.

Esaki ta un oportunidad pa siña poco con ta traha un obra di mosaico. E artista lo ta trahando riba e obra parti mainta.

Esnan interesa con esaki ta desaroya por pasa wak. Esaki sigur sigur lo bira un obra fabuloso y lo keda permanente riba muraya.

Sra. Omaira ta bon conoci pa su Mural art na Aruba. Su obranan ta diferente caminda p.e. Paseo Herencia, Murals na San Nicolas pa Aruba Art Fair, Costa Linda, Eagle Beach speeltuin y su studio ta na Ponton.

Obra di arte Omaira Silva     Obra di arte Omaira Silva

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options