HomeActualidadNoticiaArchivo Nacional cu proyecto innovativo pa haci nos herencia cultural mas accesibel

Archivo Nacional cu proyecto innovativo pa haci nos herencia cultural mas accesibel

Dit item is gearchiveerd op 30-10-2022.

ORANJESTAD - Riba 28 di september cu ta Dia Internacional di Acceso na Informacion, Minister di Cultura Xiomara Maduro a presencia un presentacion di Archivo Nacional ANA hunto cu Biblioteca Nacional BNA den cual a splica riba e trabounan cu ta  haci pa conserva nos herencia cultural.

Ta trata di e proyecto pa restaura, digitalisa y haci e Archivo Colonial di e periodo 1816 - 1939 di Aruba digitalmente accesibel.

Cu yudansa di diferente fondo, entre nan Mondriaanfonds, ANA a bin ta traha riba e proyecto aki cu ta conta un parti di e historia di Aruba cu nos no sa hopi di dje. ANA a haci uzo di tecnica moderno pa digitalisa e archivo colonial manera Optical Character Recognition OCR y Handwritten Text Recognition HTR, cu ta facilita e proceso di buskeda di informacion grandemente.

Minister di Cultura Xiomara Maduro na presentacion proyecto Archivo Nacional cu pa haci nos herencia cultural mas accesibel.Presentacion proyecto Archivo Nacional cu pa haci nos herencia cultural mas accesibel.Cu e avanse aki e usuario, por ehempel, nos hobennan cu mester traha nan 'spreekbeurt' of e studiante cu mester traha su 'scriptie' riba e historia di Aruba por yega n’e informacion necesario na un manera lihe.

E ta hopi importante pa nos conoce nos historia ya cu e ta yuda nos compronde nos presente y fiha nos futuro. Tur esfuerso pa conserva, restaura y archiva documentacion historico ta di gran balor pa e memoria colectivo di nos Pais. E proyecto aki di ANA ta uno innovativo cu na mes momento cu ta brinda nos informacion riba nos pasado y ta haci e informacion aki digitalmente accesibel via internet pa tur cu ta interesa den sa mas di nos historia. Di e manera aki ANA ta yuda pa informacion valioso por ta mas accesibel.

Minister Maduro ta gradici e personal di ANA, BNA, Mondriaanfonds y tur otro instancia cu a pone fondo pa haci e proyecto importante aki posibel.

Presentacion proyecto Archivo Nacional cu pa haci nos herencia cultural mas accesibel.     Presentacion proyecto Archivo Nacional cu pa haci nos herencia cultural mas accesibel.     Presentacion proyecto Archivo Nacional cu pa haci nos herencia cultural mas accesibel.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options