Aplicacion pa Prueba di Naturalisacion 2022

UPDATE: REGISTRACION A CERA

ORANJESTAD - Seccion examen di Departamento di Enseñansa Aruba ta informa cu inscripcion pa e Prueba di Naturalisacion (Naturalisatietoets) pa aña 2022 ta habri.

E prueba di Naturalisacion lo tuma lugar e siguiente periodonan:

  • 26 di september te cu 30 di september cu maximo di 20 candidato;
  • 24 di october te cu 28 di october cu maximo di 20 candidato;
  • 21 di november te cu 25 di november cu maximo 20 candidato.

PaspoortPor inscribi solamente via e email adres, naturalisatietoets@ea.aw. Inscripcion na BALIE no ta posibel. Pa aplica pa e Prueba di Naturalisacion mester haci uzo di e formulario di aplicacion. Pa mas informacion tocante e Prueba di naturalisacion por consulta e foyeto aki 

Pa inscribi mester manda un mail cu e siguiente documentonan digital:

  • Formulario di inscripcion yena;
  • extracto di registro civil (Afl. 5,00);
  • copia/scan di paspoort valido;
  • si ta aplica pa ripiticion: verklaring cu resultado di examen haci anteriormente.

E inscripcion pa luna di september, october y november 2022 ta cera na momento cu 20 candidato inscribi. Despues cu bo persona a inscribi, y tur e documentonan ta na ordo, bo ta ricibi un mail cu a acepta bo inscripcion.

Den e mail nos ta indica e fecha(nan) di e prueba(nan) y ki dia e pago mester tuma luga.

Pa mas informacion tocante e Prueba di Naturalisacion por bishita e website di Enseñansa Aruba:

https://www.ea.aw/pages/naturalisatietoets/     

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options