Aplica pa bira un encuestador durante Censo2020!

Dit item is gearchiveerd op 04-03-2020.

ORANJESTAD – Pa e Censo2020, Oficina Central di Estadistica (CBS) ta buscando personanan cu kier fungi como encuestador.

Sun Plaza – Edificio unda Oficina di Estadistica ta ubica na di tres pisoManera ta conoci caba CBS ta organiza un Conteo general di Poblacion y Vivienda, mihor conoci como Censo cu lo tuma lugar di 1 pa 10 di october 2020.

E Censo di Persona y Vivienda ta un conteo general di tur esnan cu ta biba na Aruba. E proposito di Censo ta pa haya un bista completo di e manera di biba y e caracteristicanan di e poblacion di Aruba. Censo ta e fuente di informacion mas importante riba e cantidad, structura y caracteristicanan di e poblacion cu ta biba den un pais.

Pa e Censo2020, CBS ta buscando personanan cu kier fungi como encuestador. Un encuestador tin e tarea pa haci entrevista na 40 pa 60 punto di adres durante e periodo menciona.

Logo CENSO Aruba 2020Rekisitonan pa bira un encuestador:

  • Yena e formulario di inscripcion online via nos website www.cbs.aw;
  • Mester por traha cu un Tablet;
  • Mester por lesa, scirbi y papia Papiamento, Ingles, Hulandes y Spaño;
  • Mester tin por lo menos 18 aña di edad;
  • Mester tin por lo menos un diploma di MAVO;
  • Ta un residente di Aruba;
  • Tin un rijbewijs valido y un medio di transporte propio;
  • Ta compromete su mes pa asisti na 3 training obligatorio;
  • Ta disponibel durante henter e Censo (1-10 di oktober 2020);
  • Ta disponibel pa traha den siman y den weekend y durante oranan di dia, atardi y anochi.

Censo 2020Tur persona cu ta cumpli cu e rekesitonan ya menciona por solicita pa ta un encuestador, tambe pensionadonan, esnan sin trabao y esnan trahando den sector priva, tanten cu nan ta disponibel full time durante e siman di Censo.

Oficina Central di Estadistica (CBS) ta haci un apelacion fuerte na un y tur pa yuda den e trabao noble di traha como encuestador di Censo door di yena e formulario di inscripcion via website di CBS www.cbs.aw

Pa mas informacion por yama CBS libremente na tel 524-7433, bishita nan pagina di Facebook: The Central Bureau of Statistics Aruba of nan website www.cbs.aw

Pasobra Aruba ta conta riba bo!

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options