Apertura oficial di ‘Cas di OPPA’

ORANJESTAD – Diahuebs 26 di augustus 2021, e Organisacion di Pensionado Publico Arubano, OPPA a celebra 33 aña di existencia.

Apertura oficial di ‘Cas di OPPA’.Un dia special pa directiva y miembronan di e organisacion na unda cu diahuebs atardi a tuma luga e apertura oficial di nan edificio nobo, e “Cas di OPPA”.

Apertura oficial di ‘Cas di OPPA’.Prome Minister Evelyn Wever-Croes tabata presente na e aperture y a expresa. “Mi tabata tin e honor di ta presente pa felicita OPPA cu e bunita proyecto aki y gradici tur pensionado pa construi nos pais Aruba. Un bunita proyecto!”,

OPPA, ta e Organizacion di Pensionadonan Publico di Aruba. Den luna di juli nan tambe a reuni cu Formador Wever-Croes na unda cu nan a presenta un documento bastante elabora den cua nan a apunta e retonan cu adultonan mayor ta enfrenta.

Apertura oficial di ‘Cas di OPPA’.A resalta tambe e tema con pa duna nos adultonan mayor mas representacion pa asina un gobierno tene cuenta structuralmente cu interesnan di nos adultonan mayor cu ta parti grandi di nos comunidad. Nos pensionadonan ta esnan cu a construi nos economia cu nos y nos yiunan ta bibando aden. Nan ta tesoro pa henter nos sociedad y nan ta conta.

Prome Minister a gradici directiva di OPPA y miembronan cu nan 33 aña sirbiendo na bienestar di nos pensionadonan y alabes ta felicita nan cu un bunita edificio propio.

Apertura oficial di ‘Cas di OPPA’.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options