Anochi di informacion Colegio EPI riba 22 di maart 2019

E anochi di informacion ta tuma lugar diabierna awor 22 di maart di 5.00pm – 8.00pm den e auditorium di Colegio EPI, cu ta accesibel via gate 9 y gate 10.

Meta principal di e anochi aki ta pa informa studiantenan di scolnan secundario tocante e diferente opleidingnan cu tin na Colegio EPI y kico ta e rekisitonan di admision. Ta importante pa tene na cuenta cu pa wordo acepta na un di nan opleiding, e studiante mester cumpli cu e profiel cu e opleiding ta exigi.

Colegio EPI ta encurasha mayornan tambe pa bin cu nan yiunan p’asina duna guia y sosten den nan desicion pa scoge un estudio.

Studiantenan cu gradua na Colegio EPI ta bira profesionalnan ariba nivel intermedio (MBO).

E studiante por scoge pa bay traha of pa sigui studia riba nivel HBO.

Durante e anochi di informacion lo bay tin oportunidad pa papia cu studiantenan actual di Colegio EPI como tambe docentenan y e decanonan di e 4 unidadnan.

Pa e studiante cu ainda no ta sigur den cua ramo e kier sigui studia den futuro, por bishita tur e boothnan presente p’asina e por haya informacion di e diferente estudionan cu Colegio EPI.ta brinda.

Pa informacion general di Colegio EPI y tambe pa mapa di e campus por bishita Colegio EPI su website: www.epiaruba.com