Aniversario “Blueversary” di cristal pa JetBlue na AUA Airport

Dit item is gearchiveerd op 16-10-2021.

ORANJESTAD - Riba diaranson, 15 di September, 2021, e ekiponan di AUA Airport y JetBlue Airways a celebra cu bolo y snacks, e di 15 "Blueversary" (aniversario) di JetBlue operando na Aruba. 

Aniversario “Blueversary” di cristal pa JetBlue na AUA Airport.Tur cos a cuminsa cu e anuncio na 2006 cu JetBlue lo cuminsa bula pa Aruba for di su base, New York su John F. Kennedy International Airport (JFK), cu buelonan diario. Di biaha despues di esey na 2007 a lansa servicio semanal for di Boston (BOS), cu despues a bira servicio diario. Bo(so) ta corda e dia special na 2014 ora cu JetBlue a trece Aruba su di 1 miyon pasahero pa e aña ey pa Aruba?

Na Januari 2017, JetBlue a agrega servicio for di Fort Lauderdale (FLL), y na November 2020, a agrega su ultimo destinacion, Newark (EWR).

E network actual di JetBlue for di e area noordoost y sur for di Merca pa Aruba ta un testamento di JetBlue su confiansa continuo den e destinacion. JetBlue ta AUA Airport su carrier mas grandi actualmente, cu un market share di 27% di tur buelo cu ta sali for di Aruba. AUA Airport su partnership cu JetBlue ta hopi valioso y a crece fuerte y resiliente, specialmente durante e temponan dificil tras di lomba. Danki na e partnership fuerte crea den e ultimo 15 añanan, AUA Airport tin e confiansa cu AUA Airport lo sigui gosa di un relacion fructifero cu JetBlue pa hopi aña mas.

Felis 15 Blueversary JetBlue!

Logo JetBlue

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options