Aniversario 28 empleado di Divi Resort

E trahadornan aki a cumpli nan aniversario den e segundo cuartal di aña 2022.   Ministerio di Turismo y Salud Publico a presenta un plakaat pa asina duna nos trahadornan den hospitalidad nan reconocimento mereci.

E 28 empleadonan aki ta traha den diferente area y diferente resort di Divi:

• 8 empleado a cumpli 5 aña di aniversario;
• 3 empleado a cumpli 10 aña di aniversario;
• 8 empleado a cumpli 15 aña di aniversario;
• 1 empleado a cumpli 20 aña di aniversario;
• 3 empleado a cumpli 25 aña di aniversario;
• 2 empleado a cumpli 30 aña di aniversario;
• 1 empleado a cumpli 35 aña di aniversario;
• 2 empleado a cumpli 45 aña di aniversario.

Un pabien  na sra. Emelinda Tromp y sr. Jorge Lugo cu ambos a cumpli 45 aña di aniversario. Emelinda a cuminsa traha Room Attendant den e compania na 6 di mei aña 1977, e tempo ey Emelinda tabata tin 17 aña di edad. Jorge a cuminsa su trayectoria na 24 di juni aña 1977 trahando como Houseman. Despues Jorge a traha como busboy, waiter, captain y desde 1989 como F&B supervisor.

Divi Resort a habri su porta na Aruba den aña 1969 bou di e nomber Divi Aruba y awe tin 5 resort di Divi na Aruba. Hopi importante pa bisa ta cu 3 di e 5 resort nan aki ta di Timeshare. A keda demostra cu propietarionan di Timeshare ta cu Aruba den bon y den malo.

E cinco resort di Divi ta:

1.            Divi Dutch Village Resort;

2.            Divi Aruba Phoenix Beach Resort;

3.            Divi Village Golf and Beach Resort;

4.            Divi Aruba All Inclusive Resort;

5.            Divi Tamarijn All inclusive Resort.

Minister di Turismo, Dangui Oduber ta manda palabranan di felicitacion y aprecio na tur e empleadonan di Divi Resort pa nan contribucion grandi na nos sector turistico.