Recientemente e casonan di Covid-19 a subi drasticamente. Den e ultimo dianan nan a cuminsa baha. Hospital ta haci por lo menos 1000 pa 1500 Covid test na hospital.
Cada un di e testnan aki tin su costo cune y bo testnan por keda sali positivo pa basta tempo despues cu bo recupera di Covid-19 sin cu bo ta infeccioso. Cu esaki nos kier conscientisa tur esnan cu a test positivo pa Covid-19, pa no keda ripiti test te ora cu esaki sali negativo. Pa es motibonan aki tambe nos kier conscientisa doñonan di trabou y scolnan cu no ta e intencion pa exigi esnan cu a recupera recien di Covid-19 un test negativo pa por bin skol of trabou bek.
Si bo a caba di recupera di Covid-19, no ta e intencion pa bo test mas pa bo trabao of pa scol. Mester sigui e protocol di DVG, cu ta si despues di 5 dia bo tabata den isolacion y no ta sinti nada mas bo por bay traha of bay scol bek. Si acaso despues di 5 dia ta sigui malo, ta meld esaki via e link cu bo ta ricibi den e mail di DVG.
Si bo ta den cuarentena bo mag di haci un self-test despues di 5 dia, pero esaki no mester. Si bo no tin sintoma despues di 5 dia bo por bay traha bek. Si bo trabao of scol ta rekeri un PCR test esaki lo NO lo ser cubri door di AZV. Bo por haci e test aki na un laboratorio priva riba bo mesun gasto.
Covid test ta importante pero nos mester haci esaki conscientemente. E proceso aki ta keda intensivo y mester haci’e cu cuatela y precision pa loke ta trata e resultadonan.
Sea consciente y keda tene distancia social den lugarnan cu hopi hende, bisti bo tapa boca y tin bo sanitzer cubo y laba bo mananan bon pa asina hunto nos por atrobe baha e cantidad di casonan positivo pa dia.
Si bo persona ta sinti malo cu sintomanan respiratorio y ainda no a test positief pa Covid-19 den e ultimo 30 dianan, por fabor isola bo mes y haci un test. Pa bo haya un cita pa haci e test bo por tuma contacto cu bo dokter di cas of yama 280-0101 pa solicita un code of por haci esaki via https://covid19test.healthapp.aw. Cu e code aki bo por traha un cita via bo Aruba Health App.
Pa cualkier informacion por yama 522-4200 of 280-0101 pa preguntanan encuanto covid-19
Share this page