Algemene Rekenkamer ta tuma despedida di Sra. drs. Lay Hing de Kort-Yee

Dit item is gearchiveerd op 10-04-2021.

ORANJESTAD - Durante su ultimo reunion miembronan y personal di Algemene Rekenkamer a despedi di Sra. drs. Lay Hing de Kort-Yee, como miembro fiho di dicho organizacion.

Durante e periodo di 22 november 2017 pa 23 di februari 2021 Sra. de Kort-Yee, a dedica su conocimento y pasion pa defende e interes general di comunidad di Aruba.

Algemene Rekenkamer ta tuma despedida di Sra. drs. Lay Hing de Kort-YeePa medio di e investigacionnan di Algemene Rekenkamer, como organo halto di control di Pais Aruba, Parlamento por pone cada minister responsabilisa su maneho ehecuta.

Algemene Rekenkamer ta tuma despedida di Sra. drs. Lay Hing de Kort-YeeCu e despedida di Sra. de Kort-Yee, e proceso pa haya candidatonan capacita y adecuado a bira mas urgente. Candidatonan mester por cumpli cu exigencianan conforme Ley di Algemene Rekenkamer (AB 1998 no. GT 20) y pasa tambe entre otro un assessment. Despues di ricibi resultado di e assessment, Algemene Rekenkamer ta tene un conversacion cu cada posibel candidato cualifica. A base di e resultado di e assessment y conversacion, Algemene Rekenkamer mester haci un proposicion na Parlamento di por lo menos 3 candidato cu lo ta cualifica.

Ta spera pa final di april proximo por logra haci un proposicion. Si esaki no logra of no ta exitoso, lo informa Parlamento di e resultado di e proceso pa haya candidatonan capacita y adecua.

Algemene Rekenkamer ta desea Sra. drs. Lay Hing de Kort-Yee hopi exito den su futuro carera.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options