Algemene Rekenkamer na Parlamento cu presentacion di Rapport FASE

Dit item is gearchiveerd op 29-07-2022.

ORANJESTAD - Na 2021, Algemene Rekenkamer Aruba a realisa un evaluacion basa riba su propio prestacion cu tabata segun Supreme Audit Institution (SAI) Performance Measurement Framework (PMF).

Basa riba e resultado di e evaluacion interno aki y e acuerdonan aplicabel cu ta inclui den e Landenpakket Aruba, Algemene Rekenkamer Aruba a busca posibel sosten di Algemene Rekenkamer di Hulanda.

Den e contexto aki Algemene Rekenkamer di Hulanda ta actualmente na Aruba pa un bishita oficial, den forma di un mision exploratorio cu e obhetivo di formula un programa di sosten pa algun aña.

Groepsfoto Algemene Rekenkamer y miembronan di Parlamento.  Algemene Rekenkamer presenta Rapport FASE na Parlamento.  E bishita aki ta tumando lugar den e siman di 27 di juni pa 1 di juli 2022. Parti di e bishita aki ta inclui conversacionnan na nivel oficial cu stakeholders y un sesion di informacion tecnico na Parlamento di Aruba.

E sesion aki a tuma lugar awe mainta y a informa Parlamento tocante e investigacion di eficiencia y eficacia cu Algemene Rekenkamer a realisa referente e ayudo di emergencia FASE.

A publica e rapport dia 5 di mei 2022, y a present’e ayeramainta na Parlamento den presencia di Algemene Rekenkamer Hulanda y Curaçao. E secretaris di Algemene Rekenkamer Curaçao tambe ta na Aruba pa mira e posibilidadnan pa traha huntu cu e rekenkamers nan den Caribe y Hulanda y fortalece e relacion.

Den e sesion di ayera mainta di e secretaris di Algemene Rekenkamer Aruba a presenta e introducion y motibo di e rapport, y unda cu despues e e lider di e proyecto a presenta e resultadonan di e investigacion door di. Na final  e voorzitter di Algemene Rekenkamer Aruba a presenta e recomendacionnan y despues ta tin posibilidad pa haci pregunta. Akinan a haci bon uzo di e posibilidad. Algemene Rekenkamer por mira bek un mainta fructífero.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options