Algemene Rekenkamer Aruba: Ken ta controla e controlador?

ORANJESTAD - Algemene Rekenkamer a constata un declaracion incorecto door di e colegio di supervision financiero pa Aruba (CAft) y ta desea di coregi eski.

Relato Anual Algemene Rekenkamer 2019Ta trata aki di e publicacion tocante e falta di duna cuenta, door di entre otro Hoge Colleges, pa e aña 2019.

Recientemente a keda publica den e medianan local un declaracion publico di e presidente di CAft, Sr. Gradus, caminda e ta declara cu Algemene Rekenkamer no a entrega su relato anual di aña 2019. E informacion aki ta incorecto.

Mirando e tarea legal y rol di Algemene Rekenkamer como controlador pa Parlamento y di Pais Aruba, Algemene Rekenkamer tur aña ta laga un controlador externo, evalua e administracion y relato financiero di su organisacion. E relato anual ta disponi di un declaracion di evaluacion, manera por tuma nota den e relato anual di 2019.

Dia 10 september 2020, e relato anual di 2019 a wordo ofreci na Parlamento, Gobierno y tur otro interesadonan, incluso CAft. Ademas ariba e mesun fecha, e relato anual di 2019 a wordo publica y ta disponibel ariba e website di Algemene Rekenkamer; www.rekenkamer.aw.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options