E situacion aki tin Departamento di Salud Publico di Aruba DVG riba un alerta mirando cu Aruba ta ricibi turista for di diferente pais afecta pa e brote di dengue.
Na Aruba e cantidad di sangura cu ta transmiti dengue ta abao debi na secura. Apesar di falta di yobida, GKMB ta sigui haya criadero di sangura na vario cas, den por ehempel scoter bao di mata, vaas cu awa, vijver y hemchi di awa di airco y mas.
Anticipando e temporada di yobida cu ta na caminda si e ciudadano no ta alerto y tuma accion necesario door di tene nan cura y espacio liber di criadero, Aruba tambe por bay experencia un aumento den caso di dengue.
Den e prome 5 luna di aña 2023 seccion di Epidemiologia y Investigacion di DVG a ricibi un total di 24 notificacion di sospecho di dengue di cual 10 caso di dengue ta confirma pa laboratorio. Hunto cu dunado di cuido lo sigui monitor esaki di cerca.
Sintoma di dengue ta:
- Keintura halto agudo;
- dolor di cabes;
- biramento di stoma y sacamento;
- dolor di weso, joints y musculo;
- dolor di wowo;
- rash riba curpa.
DVG ta pidi tur ciudadano cu presenta keintura halto y 2 of mas sintoma aki riba menciona pa tuma contacto cu nan dokter di cas of dunado di cuido pa por haci e testnan y ricibi e cuido necesario.
Pa mas informacion like nos Facebook page Directie Volksgezondheid DVG Aruba, Follow nos riba Instagram directie_volksgezondheid_aruba, subi nos websitewww.dvg.aw, yama 5224200 of manda bo email na servicio@dvg.aw.
Share this page