Adaptacion di e check-in time pa tur colornan di cada grupo

ORANJESTAD –Aruba Airport Authority N.V. (AAA), ta informa cu desde 1 di december 2021, tur pasahero biahando pa Merca lo haya acceso na e terminal di check-in basa riba gruponan mara na cierto codigonan di color como parti di “Passenger Flow Control”.

A haci adaptacionnan pa agilisa e proceso y pa indica na un mihor manera e 3 ora di anticipacion cu mester tene cuenta cune basa riba e orario cu un persona su vuelo ta sali pa por permit’e pa check-in na aeropuerto. A adapta e orario pa check-in pa e grupo cu color geel awor pa check-in entre 08:00 – 12:00 hrs (8AM – 12 merdia). Tambe a adapta e orario pa check-in pa e grupo den e color BLAUW y awor lo permiti e grupo ey pa check-in entre 12;00 y 14:00 hrs (12:00 merdia y 2 PM). A cambia e color oranje su check-in periodo di entre 14:00 hrs – 16:00 hrs (2PM – 4 PM).

E concepto di Passenger Flow Control ta encera cu lo permiti pasaheronan pa drenta e check-in terminal basa riba gruponan separa cu nan codigo di color (Geel, blauw y oranje) cu a determina segun e orario di salida di e buelonan. Pasaheronan lo haya un tempo pre-determina pa drenta e check-in terminal manera indica den e tabel aki bou.

Aruba Airport Orario pa Check-in pa grupo

Codigonan di color pa cada grupo como parti di “Passenger Flow Control,

Lo determina e tempo pre-determina aki pa bishitantenan basa riba e informacion cu nan indica den e ED (Electronic Disembarkation) Card

na yegada. Aki lo mester indica e orario di vuelo di salida. Residentenan biahando for di Aruba pa Merca lo mester wak e orario di e salida di nan vuelo pa determina ki ora nan lo ta permiti pa cuminsa e proceso di check-in (no mas prome cu 3 ora prome cu e vuelo sali). 

AUA Airport lo tin embahadornan trahando na e terminal di check-in Mericano pa controla e tempo pre-determina pa check in pa cada pasahero. Pasaheronan cu yega mucho trempan lo mester warda pafo pa por drenta ora nan orario yega.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options