Acuerdo di fiansa pa 209 miyon florin a keda firma

ORANJESTAD – Minister di Finansa, Asunto Economico y Cultura, mr. Xiomara Maduro ta informa cu a firma e acuerdo fi fianza (leenovereenkomst) pa e fiansa di 'derde tranche' di 209 miyon florin pa Aruba.

Minister di Finansa, Asunto Economico y Cultura, mr. Xiomara Maduro ta firma acuerdo di fianza (leenovereenkomst).Esaki a sosode na mesun momento cu Minister President Evelyn Wever-Croes a firma e acuerdo politico na Hulanda Cu e fiansa aki Gobierno por cumpli cu e obligacion financiero te cu december 2020. Di e manera aki por tin e trankilidad cu Gobierno tin suficiente fondo pa por paga, entre otro, FASE, bijstand, comercio y ademas por sigui yuda comercio cu Subsidio di Salario. Desde inicio di e crisis Aruba a bin ta hayando sosten di likides den forma di fiansa for di Hulanda. E promer dos 'tranche' a bay sin mucho condicion, pero pa haya e di tercer 'tranche' si Hulanda a pone condicionnan mas pisa cu a hiba na un negosacion di varios luna.

Minister di Finansa, Asunto Economico y Cultura, mr. Xiomara Maduro ta firma acuerdo di fianza (leenovereenkomst).Den e periodo aki Gobierno a percura pa hiba un maneho financiero hopi prudente den cual a percura pa tur locual ta yudansa na Pueblo y comercio keda intacto. Na dado momento tambe mester a recuri na e mercado local pa por a haya e fondonan necesario pa por a cumpli cu e obligacionnan financiero. Aunke e no tabata algo den e planes financiero di Gobierno pa aña 2020,

Minister di Finansa a haci uzo di e espacio cu ley ta brind'e pa asina por a sigura cu nos Pais no keda mas perhudica na man di e crisis aki. Minister Xiomara Maduro ta spera cu awor cu a yega na acuerdo cu Hulanda, e trankilidad por bin bek den comunidad. E invitacion ta pa nos tur traha hunto pa asina por saca nos Pais dilanti, ya cu Aruba ta di nos tur.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options