Acuerdo di cooperacion firma cu Customs and Border Protection di Merca

ORANJESTAD - Recientemente Minister di Husticia mr. Andin Bikker a firma un ‘Letter of Intent’ cu e Customs and Border Protection (CBP) di Merca.

Minister di Husticia mr. Andin Bikker a firma un ‘Letter of Intent’ cu e Customs and Border Protection (CBP) di Merca. E prome dimension ta cu e sistemanan automatisa di control y maneho di nos frontera di Aruba den forma di e Radex, online ED-Card y pronto e ESTA di Aruba, lo por conecta riba e Automated Targeting System di Merca.  Automated Targeting System ta un sistema automatisa cu ta compara informacion di biahero, carga y di transferencia di ambos, cu e basenan di data di instancianan cu ta mantene y enforsa leynan, y ta haci analysis di seguridad (‘risk-based scenarios and assessments’). Asina e lo yuda departamentonan cu ta controla y proteha nos frontera, manera Inmigracion Aruba, KPA, Douane, VDA, NCTVI y DIMAS, pa tin acesso na informacion mas amplio pa por eherce nan trabou. Por ehempel ora cu activa e ESTA di Aruba, Inmigracion Aruba y DIMAS lo por haci uzo di e base di data di Merca pa por opera e ESTA di Aruba. Douane por ehempel lo ta bay tin mas informacion riba mobilisacion di carga y containernan cu ta destina pa yega Aruba.

Un di dos parti di e acuerdo di principio ta e uzo di ‘biometria’ a base di articulo 22a nobo di e Ley di Admision y Expulsion (LTU). Biometria ta yuda pa amplia e proceso di screening pa admision di turista  cu e control di su identidad a base di su biometría (potret digital y fingerprint).  Esaki lo aumenta e instrumentonan pa e departamentonan menciona ora di screening pa dicidi si ta admiti un viahero. Na mes momento ta percura cu e turista por ta mas lihe na su hotel y riba beach, pa por disfruta di loke nos isla tin pa ofrece.

Minister di Husticia mr. Andin Bikker a firma un ‘Letter of Intent’ cu e Customs and Border Protection (CBP) di Merca. Finalmente e acuerdo di principio ta duna espacio pa Aruba haya mas asistencia den reconoce documentonan oficial, pues pa gara esunnan cu ta purba pasa cu paspoort falso.

Minister di Husticia mr. Andin Bikker a firma un ‘Letter of Intent’ cu e Customs and Border Protection (CBP) di Merca. Mester menciona cu e acuerdo aki den opinion di Minister Andin Bikker ta uno historico ya cu Merca ta e mercado principal di nos turismo. E mandatario tin bastante tempo caba trahando riba e tema.E Minister a propone y logra haci algun cambio den ley den e LTU (AB 2018 no. 70) y den e Toelatingsbesluit (AB 2020 no. 94), pa por tin un base huridico moderno y amplio cu ta cumpli cu exigencianan internacional, y por aplica e uzo di tecnologia moderno den control na nos frontera.

E meta primordial ta pa por tin miho control y seguridad, banda di eficiencia y rapidez pa e turista por pasa door di e proceso di control mas pronto cu ta posibel, pa hopi lihe despues di aterisa na Aruba e por ta na su hotel of beach, disfrutando di loke nos isla tin di ofrece. 

Manera menciona, Merca ta e mercado principal di nos turismo, y Mr. Bikker a indica cu e ta convenci cu hopi mas acuerdo di cooperacion lo sigui entre e departamentonan Mericano y di Aruba, den interes mutuo pa garantisa siguridad di bishitantenan di ambos pais.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options