Acuerdo Aruba y Hulanda pa di dos kwartaal:

ORANJESTAD - Dialuna dia 29 di maart 2021, Aruba y Hulanda a acorda e contenido di e di dos Agenda di Ehecucion relaciona cu e trayecto di Landspakket di Aruba.

Reunion Landspakket Aruba Uitvoeringsagenda 1 april - 30 juni 2021Esaki a tuma luga durante un reunion cu Secterario di Estado Raymond Knops y Minister-President di Aruba Sra. Evelyn Wever-Croes como tambe profesionalnan di ambos pais.

Reunion Landspakket Aruba Uitvoeringsagenda 1 april - 30 juni 2021No obstante e intensidad di e trabounan, pais Aruba ta cumpliendo den gran forma cu e condicionnan stipula pa asina por ricibi sosten di likides. Un aspecto cu a keda confirma den carta di Secretario di Estado Raymond Knops, dirigi na Presidente di Parlamento Hulandes (Tweede Kamer der Staten-Generaal), riba 26 di maart 2021.

Manera a keda acorda na november 2020, cada kwartaal crea un Agenda di Ehecucion cu ta sigui e agenda di ehecucion anterior den forma coherente y cronologico.

Despues di un periodo di introduccion, e di dos Agenda di Ehecucion ta consisti di trabounan mas intenso y concreto.

Landspakket Aruba Uitvoeringsagenda 1 april - 30 juni 2021E di dos Agenda di Ehecucion tambe ta simbolisa inicio di proceso di consulta cu diferente partner clave, diferente gremio den nos comunidad.

Durante un reunion publico den Parlamento di Aruba Gobierno lo duna mas splicacion tocante e di dos Agenda di Ehecucion. Y pronto lo tin e prome consulta cu gremionan, cual lo tuma luga di forma virtual.

E Agenda di Ehecucion ta un documento cu lo adapta continuamente. Esaki lo tuma luga den colaboracion estrecho entre paisnan.

Pais Aruba ta riba bon caminda y cu respet, madures y dedicacion, hunto nos lo recupera nos pais

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options