Acudi na COVID Test Center HOH solamente riba dia y ora di bo cita!

ORANJESTAD -Test Center di Dr. Hospital E. Horacio Oduber (HOH) ta mira un trend ultimamente di hopi persona cu cita pa haci test cu ta acudi of prome cu nan cita of hasta un (1) dia prome cu nan cita.

Test Center Dr. Horacio E. Oduber Hospital (HOH).Esaki ta causando un stagnacion den e rij y lamentablemente ta stroba esnan cu SI ta mantene nan mes na nan cita ricibi via e Aruba Health APP.

Nos kier a pidi tur hende encarecidamente pa por fabor tene pasenshi y acudi riba e dia y ora indica via e Aruba Health APP na Test Center situa na HOH y NO prome cu esaki.

Lamentablemente si encaso bo acudi e dia prome of NO na e orario indica lo nos no por atende’bo y lo bo mester regresa.

Pa esnan cu no tin cita y tin un of otro sintoma di COVID-19 por fabor:

  • Yama bo docter di cas (pa casonan agudo e number di emergencia di bo docter di cas) of
  • registra pa haci e test via http://covid19test.healthapp.aw of yama 2800101;
  • Acudi na e orario y dia stipula y corda cu despues di test mester warda resultado na cas.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options